Giza eta Gizarte Zientziak 2021-2022
1.- Izen-ematea eta matrikulazioa
Izen-ematea ONLINE egingo da 2021eko apirilaren 12tik maiatzaren 31ra bitarte (biak barne) webgune honetan bertan, goiburuaren azpian dagoen “izena eman” botoia sakatuta.
1.1.- Izen ematea: aurkeztu beharreko dokumentazioa:
- Ziurtagiri Akademikoa, batezbesteko nota 1-10 baremoan adierazia
- Atzerriko hizkuntza: B1 mailaren titulu baliokidea
- Euskara: B2 mailako ziurtagiria
OHAR GARRANTZITSUAK:
- Matrikula osoa edo partziala:
- Izena ematerakoan, masterra urte bakarrean edo bitan egin nahi duzun aukeratu dezakezu. Bi urtetan egitekotan gure gomendiioa ondokoa da: lehenbiziko urtean irakasgaiak ateratzea (42 ECTS) eta, bigarrenean, practicuma eta Master Amaierako Lana (18 ECTS).
- UPV/EHUko ikasleek ez dute ziurtagiri akademikoa aurkeztu behar, batez besteko nota ofizioz kontsultatuko baita. Kasu horretan, igo GAUR bidez lortutako espedientea edo haren pantaila-irudia.
- Ikasketak amaituta izan ez arren, masterrean izena eman daiteke. Baldin eta matrikula egiterako ikasketak amaitu eta titulua eskatu izanaren frogagiria erakusten bada.
- Dokumentazioa:
- Izena ematerakoan aipatutako dokumentazio guztia igo behar da.
- Bidalitako dokumentazioarekin merituen balorazioa egingo da, onartuen zerrenda zehazteko. (ikusi atal honen 2. puntua)
- Hizkuntzak:
- Izena emateko momentuan atzerriko hizkuntzaren ziurtagiria aurkezterik ez badaukazu, ekainak 25 aurretik aurkeztu beharko duzu zeure kabuz.
- Atzerriko hizkuntzen ziurtagiri hauek bakarrik onartuko dira: ACLES TAULA
- Linguaskill bidez lortutako ziurtagiriak onartuko dira, baldin eta ACLESek eskatu bezala, zaintza presentzialarekin eginak badira. Informazio zehatzagoa: Cambridge Assesment. GOIk ez du bitartekari lanik egingo.
- Izen-emate tasa:
- Izen-ematea gauzatzeko, beharrezkoa da 20€ko ordainketa burutzea. Kopuru hori kudeaketa-gastuetara bideratua dago eta ez da itzuliko.
- Ekainaren 10ean jakinaraziko da eskaeraren ebazpena: onartuak, itxaron zerrendan geratu direnak eta baita baztertutako eskaerak ere, baztertzeko arrazoiarekin batera. Hautagai guztiek emialez jasoko dute eskaeraren ebazpena.
- Ekainak 11tik 24ra bitarte (biak barne) erreklamazioak aurkezteko aukera izango da. Ekainak 29an, onartuen behin behineko zerrenda jakinaraziko du UEUk.
Aldeko ebazpena jasoko duten hautagai guztiek, ekainak 30etik uztailak 6 bitarte, euren plaza berretsi beharko dute.
Uztailaren 10ean onartutakoen behin betiko zerrenda argitaratuko da eta matrikulatzeko argibideak emango dira.
- Matrikulatzeko eguna eta argibideak uztailaren 10ean argitaratuko dira.
- Matrikulazioa aurrez aurre egingo da UEUren egoitza nagusian, Eibarren.
- Ikusi 4 eta 5. ataleatan zehazten den dokumenatzioa eta hutazkoen esleipena.
Eskaera guztiak merituen arabera ordenatuko dira eta hurrenkeraz osatuko da onartuen zerrenda, plaza guztiak osatu arte. Ondoko bi irizpideak hartuko dira kontutan:
- Titulazioa: Masterrera sartzeko espezialitateari dagokion titulazioa. Plaza hutsak dauden espezialitateetan, dagokion espezialitaterako egokitasunik ez duten tituluak onartuko dira.
- Espedientea: Graduko tituluaren espediente akademikoa.
- NANaren fotokopia, edo pasaportearena atzerritarrek.
- Lizentziatuaren, arkitektoaren, ingeniariaren, diplomatuaren, arkitekto teknikoaren edo ingeniari teknikoaren tituluaren fotokopia erkatua, edo fotokopia eta jatorrizkoa erkatzeko, edo titulua eskuratzeko tasak ordaindu duen agiri Titulua ez badago gaztelaniaz, euskaraz edo ingelesez idatzita, tituluaren zinpeko itzulpena aurkeztu beharko da.
- Espedientea akademikoa batezbesteko nota adierazita 1-10 baremoan
- Euskarazko ezagutza B2 mailakoa dela ziurtatzen duen titulu orijinala eta bere fotokopia edo fotokopia erkatua
- atzerriko hizkuntzaren ezagutza B1 mailako dela ziurtatzen duen titulu orijinala eta bere fotokopia edo fotokopia erkatua
- Karneterako tamainako argazki bat, atzeko aldean izen abizenak idatzita
- Egoki izanez gero, prezio publikoetatik salbuetsita egoteko edo prezio murriztua ordaintzeko eskubidea egiaztatzen duten dokumentuak (ikusi hemen zeintzuk diren).
- Hautaketa uztailaren 9tik 12ra egingo da.
- Hautazkoetan onartutako ikasleen zerrenda matrikulazio-egunean zehaztuko da.
- Hautazko irakasgai bat aurrera ateratzeko gutxieneko ikasle kopurua 10ekoa da eta gehienez 30 ikasle onartuko dira.
- Hautazko irakasgaietarako plaza espedientearen notaren arabera esleituko da.
- Irakasgai bat euskaraz edo ingelesez egiteko aukera dagoenean:
- Ingelesezko taldean 9 edo 9 baino ikasle gutxiago egonez gero irakasgaia euskaraz soilik eskainiko da.
- “Berrikuntza Ikasgelan” ibilbideari dagokionez
- Gehienez 12 ikasleko taldea onartuko da espezialitate bakoitzean.
- Plaza espedientearen notaren arabera esleituko da.
- Prezioa kredituko: 66€
- Espedientea irekitzea: 27,96 € (masterrean lehenengo aldiz matrikulatzean baino ez).
- Matrikula-gastu finkoak, oinarrizko istripu-asegurua barne: 30,68 €
- Eskola asegurua: 1,12 €
|
UPV/EHUko prezio publikoa |
GOI Ikastegi Atxikia |
Murrizpen eta salbuespenak |
|
|
Prezioa kredituko |
20€/ECTS |
66€/ECTS |
Prezio publikoaren gainean ezarriko dira |
|
Espedientea irekitzea |
27,96€ |
||
|
Matrikula gastu finkoak (ikasle aseguroa barne) |
30,68€ |
||
|
Eskola aseguroa (nahitaezkoa <28 urtekoentzat) |
1,12€ |
||
- Beka Orokorra (Eusko Jaurlaritzarena).
- Unibertsitate mailako eta goi-mailako beste ikasketa batzuk egiteko beka.
- Errendimendu handiko ikasleak saritzeko bikaintasun akademikoko beka.
- Beka Orokorra (Ministerio de Educación, Cultura y Deporte. MECD).
- Matrikularen ordainketa 2 zatitan egingo da. Lehen zatiak matrikularen %60a eta espediente irekieraren gastuak estaliko ditu eta uztailean egingo da. Bigarren zatiak matrikularen %40a estaliko du eta urtarrilean egingo da.
- Finantzazioari begira ikasleek ikasketak burutzeko maileguak lortzeko lehentasunezko baldintzak izango ditu Kutxabank-en eskutik, ikusi hemen baldintzak.
- Familia ugariak
- Terrorismoaren biktima eta haien senideak
- Desgaitasuna duen pertsonaren bat daukan familia
- Genero-indarkeriaren biktima
- Asilo-eskatzaileak, nazioarteko babesaren onuradunak eta aberrigabeak
Informazio gehigarria esteka honetan aurkituko duzu.
Oharra: Laguntza eta murrizketen zenbatekoa Eusko Jaurlaritzak ezartzen duen prezio publikoetatik hartzen da.
- Eskola asegurua
- 28 urte beherako ikasleentzat nahitaezkoa da eskola asegurua ordaintzea. Aseguru hau matrikula betetzean egiten da.
- EHU Ikasl
- Derrrigorrezkoa da ikasle guztientzako, edozein adina izanda ere, eta matrikularekin egiten da
- Esteka honetan jasotzen da EZBEHAR bat izanez gero jarraitu beharreko protokoloa eta POLIZAri lotutako argibideak.
Espezialitate bakoitzean, Berrikuntza Ikasgelan hautazko ibilbide berria eskainiko da. Berrikuntza eta ikerkuntzan oinarritutako irakasgai hau Ikastolen Elkartearekin lankidetzan jarri dugu martxan eta izaera praktikoa dauka. Ikasleak, tutorearekin adostuta, ikerketa eta berrikuntza egitasmoak bertatik bertara ezagutu, ekarpenak egin eta martxan jartzeko aukera izango du.
Irakasgai honek 6 ECTStako iraupena izango du eta espezialitate bakoitzeko Berrikuntza eta Ikerkuntzako moduluan eskainiko da hautazko ibilbide moduan. Ibilbidearen ezaugarriak direla eta, behar duen jarraipen egokirako, 10 ikasle soilik onartuko dira espezialitate bakoitzean. Hiru asteko iraupena izango du.
Xede nagusia, ikasleek berrikuntza didaktiko-metodologikoen inguruko erronkaren bat identifikatu eta proposamen bat egitea da. Helburu horrekin, ondoko edukiak landuko dira:
- Gaiari buruzko sarrera orokorra, ikerketako eta ondorengo hezkuntza-berrikuntzako oinarrizko kontzeptuak eta ikuspegi metodologikoak ezagutzeko.
- Hezkuntza-komunitatearekin harremanetan jarrita, ikasgelan arazoa antzemateko tresnak ezagutu eta erabiltzea eta ondoren ikerketa bat diseinatzea: arazoa formulatzea, datuak biltzea eta aztertzea.
- Proposamen berritzaileen eraginkortasuna in situ ezagutzea, ikas-irakaskuntzako ikerketako emaitzen sarrera orokor batetik abiatuta.
- Unitate didaktiko berritzaileak ezagutu eta aztertzea. Unitate didaktiko berri bat diseinatzeko modua ezagutzea.
Berrikuntza proposamena testuinguru errealean behar bezala gauzatu eta emaitzak jaso ahal izateko irakasgaia hezkuntza zentro batean garatuko da, zentroaren beharrei egokiturik, eta modu praktikoan. Zentroan igaro beharreko ordu-kopurua berrikuntza egitasmoaren baitakoa izango da baina sekula ez 30 ordutik gorakoa.
Ane Ablanedo
Euskal filologia, Psikoterapia eta Pedagogia ikasia. Irakasle dihardu gaur egun, Baionako Marracq kolegioan eta Baionako fakultateko Euskal Ikasketen sailean. Haur-prebentzioan eta heziketa librean aditua da.
Ikasgai hauek ematen ditu:
- Nerabeen nortasunaren garapena (Irakaskuntza Masterra, hiru espezialitateak)
- Practicum tutoretza
Saioa Esnaola
Pedagogian graduatua eta Hezkuntza Orientazioko masterduna. Bigarren Hezkuntzako irakaslea da gaur egun.
Ikasgai hauek ematen ditu:
- Eskola inklusiboa: irakaskuntza jarduera, aniztasuna eta desberdintasuna (Irakaskuntza Masterra, hiru espezialitateak)
- Practicum tutoretza
Eider Goiburu
Psikologian lizentziatua, berdintasun-teknikaria, pedagogian doktorea eta talde-prozesuen bidelaguna. Esku-hartze psikosozialean eta pedagogia feministetan aditua da. UEU-GOIko irakasle-ikertzaile dihardu gaur egun. Hezkidetzatik pedagogia feministetara: euskal curriculuma iparrorratz graduondokoaren kozuzendaria, eta, Irakaskuntza Masterrean, Modulu Generikoa koordinatzeaz arduratzen da.
Ikasgai hauek ematen ditu:
- Eskola sistema, familia eta giza eskubideak eraldatzen ari den gizartean (Irakaskuntza Masterra, hiru espezialitateak)
- Practicum tutoretza (Irakaskuntza Masterra)
- Irakasteko moduak gogoetagai (Hezkidetzatik Pedagogia Feministetara: Euskal Curriculuma Iparrorratz aditu-titulua)
Irene Lopez-Goñi
Pedagogian doktorea. Urte askoan egin du lan Nafarroako Unibertsitate Publikoan, irakasle gisa, eta Nafarroako Ikastolen Elkartean, arduradun pedagogiko gisa. Ikasgai hau ematen du:
- Hezkuntza orientabidea eta tutoretza (Irakaskuntza Masterra, hiru espezialitateak)
Amaia Alvarez
Historian doktorea. Zuzenbidearen Historia irakasten du Nafarroako Unibertsitate Publikoan (NUP).
Ikasgai hau ematen du:
- Gizarte Zientziak eta Hezkuntza (Irakaskuntza Masterra, Giza eta Gizarte Zientziak espezialitatea)
Unai del Burgo
UEUko ekonomia saileko kidea da, eta UEUren kontabilitate- eta administrazio-arduraduna. Ikerketari dagokionez, ekononomia sozialeko erakundeen kudeaketarako informazio-sistemen azterketan aritzen da, UPV/EHUren GEZKI Gizarte Ekonomia eta Zuzenbide Kooperatiboaren Institutuko kide gisa, institutu horren babesarekin. Oro har, sozioekonomian, ekonomia sozialean, eraldaketan, herrigintzan eta udalgintzan interesa du.
Argibel Euba
Artearen Historia eta Gizarte eta Kultur Antropologia ikasia, eta herri-musikaren alorrean doktorea. Gaur egun, Derrigorrezko Bigarren Hezkuntzako eta Batxilergoko irakasle dihardu.
Ikasgai hau ematen du:
- Artearen historia irakasteko oinarri metodologikoak (Irakaskuntza Masterra, Giza eta Gizarte Zientziak espezialitatea)
- Practicum tutoretza
Mitxelko Uranga
Filosofia eta Antropologia ikasia eta Filosofian doktorea. Bigarren Hezkuntzako eta Batxilergoko irakasle dihardu gaur egun.
Ikasgai hauek ematen ditu:
- Filosofia ikasgelan (Irakaskuntza Masterra, Giza eta Gizarte Zientziak espezialitatea)
- Berrikuntza gizarte zientzietan, geografian eta historian (Irakaskuntza Masterra, Giza eta Gizarte Zientziak espezialitatea)
Iosu Ziordia
Historian lizentziatua eta Irakskuntza masterduna. Bigarren Hezkuntzako eta Batxilergoko irakasle dihardu gaur egun.
Ikasgai hau ematen du:
- Hezkuntza osagarriak Euskal Herriko aro berriaren historian eta garaiko historian (Irakaskuntza Masterra, Giza eta Gizarte Zientziak espezialitatea)
Josu Lopez-Gazpio
Kimikan lizentziatua eta doktorea eta zientzia-dibulgatzailea da, eta UEU-GOI ikastegiko irakasle-ikertzaile dihardu gaur egun. Irakaskuntza Masterreko Practicumaren arduraduna da, eta Natur Zientziak eta Matematika espezialitatea koordinatzeaz arduratzen da.
Ikasgai hauek ematen ditu:
- Matematikaren ikaskuntza eta irakaskuntza Derrigorrezko Bigarren Hezkuntzan (Irakaskuntza Masterra, Natur Zientziak eta Matematika eta Giza eta Gizarte Zientziak espezialitateak)
- Fisikaren eta kimikaren ikaskuntza eta irakaskuntza (Irakaskuntza Masterra, Natur Zientziak eta Matematika espezialitatea)
- Practicum tutoretza
Maite Legarreta
Historian lizentziatua da, eta, gaur egun, Bigarren Hezkuntzako irakasle da Arratia BHIn, Igorren. Hezkuntza mundura kasualitatez eta inertziaz heldu bazen ere, lanean hasi bezain laster konturatu zen horixe zela egin nahi zuena. Haren kezka nagusia ikasleekin konektatzea eta bakoitzak emateko duenari zukua ateratzea izan da beti. Horregatik, hasiera-hasieratik ibili da berrikuntza proiektu eta ekimenetan murgilduta, metodologia eta teknologia berrien aplikazioko alorretan.
Eli Moreno
Psikologian lizentziatua eta Hezkuntzaren Orientazioko masterduna. Gaur egun, Lanbide Heziketan dihardu irakasle, eta orientazio lanak, formazioa eta esku-hartze psikosoziala uztartzen ditu.
Ikasgai hau ematen du:
- Hezkuntzaren Psikologia Bigarren Hezkuntzan (Irakaskuntza Masterra, Natur Zientziak eta Matematika eta Giza eta Gizarte Zientziak espezialitateak)
- Practicum tutoretza
Lander Intxausti
Biologian doktorea. Matematikaren didaktikako irakasle dihardu Begoñako Andra Mari Irakasleen Unibertsitate Eskolan.
Ikasgai hauek ematen ditu:
- Lurraren zientzien irakaskuntza bigarren hezkuntzan (Irakaskuntza Masterra, Natur Zientziak eta Matematika espezialitatea)
- Bigarren hezkuntzako matematikaren irakaskuntza Europako hezkuntza sistemetan (Irakaskuntza Masterra, Natur Zientziak eta Matematika espezialitatea)
- Practicum tutoretza