UEUk ikas-irakaskuntzarako eredu pedagogiko propioa du, online modalitatera egokitua, eta hartan oinarritzen da GOIren eskaintza akademiko osoa. Ereduak lau printzipio nagusi dauzka.
Ikaslea beti dago ikas-irakaskuntzako prozesuaren erdigunean, eta haren gaitasunetan jartzen dugu arreta.
Teknologia ikaskuntza sozialaren zerbitzura jartzen dugu.
Jarraipen pertsonalizatua eta ebaluazio hezitzailea egiten ditugu.
JEginikotik ikasten dugu etengabe, ikasle eta irakasle partaideen esperientzietatik eta emaitzetatik abiatuta.
Gure tituluetan darabilgun eredua, oro har, asinkronoa da: ez dago egun eta ordu jakinetan konektatu beharrik (nahiz eta, kasu gutxi batzuetan, posible den aurrez aurreko saioren bat edo beste egotea). Lanerako materiala astez aste jartzen dugu eskuragarri, eta parte-hartzaileek astebeteko epea izaten dute edukiak lantzeko eta jarduerak osatzeko. Hartara, nork bere ordutegira egokitu ditzake ikasketak, baina, aldi berean, astekako antolamenduak talde osoak elkarrekin aurrera egitea sustatzen du