Izen-ematea ONLINE egingo da 2021eko apirilaren 12tik maiatzaren 31ra bitarte (biak barne) webgune honetan bertan, goiburuaren azpian dagoen “izena eman” botoia sakatuta.
1.1.- Izen ematea: aurkeztu beharreko dokumentazioa:
OHAR GARRANTZITSUAK:
Eskaera guztiak merituen arabera ordenatuko dira eta hurrenkeraz osatuko da onartuen zerrenda, plaza guztiak osatu arte. Ondoko bi irizpideak hartuko dira kontutan:
|
UPV/EHUko prezio publikoa |
GOI Ikastegi Atxikia |
Murrizpen eta salbuespenak |
|
|
Prezioa kredituko |
20€/ECTS |
66€/ECTS |
Prezio publikoaren gainean ezarriko dira |
|
Espedientea irekitzea |
27,96€ |
||
|
Matrikula gastu finkoak (ikasle aseguroa barne) |
30,68€ |
||
|
Eskola aseguroa (nahitaezkoa <28 urtekoentzat) |
1,12€ |
||
Espezialitate bakoitzean, Berrikuntza Ikasgelan hautazko ibilbide berria eskainiko da. Berrikuntza eta ikerkuntzan oinarritutako irakasgai hau Ikastolen Elkartearekin lankidetzan jarri dugu martxan eta izaera praktikoa dauka. Ikasleak, tutorearekin adostuta, ikerketa eta berrikuntza egitasmoak bertatik bertara ezagutu, ekarpenak egin eta martxan jartzeko aukera izango du.
Irakasgai honek 6 ECTStako iraupena izango du eta espezialitate bakoitzeko Berrikuntza eta Ikerkuntzako moduluan eskainiko da hautazko ibilbide moduan. Ibilbidearen ezaugarriak direla eta, behar duen jarraipen egokirako, 10 ikasle soilik onartuko dira espezialitate bakoitzean. Hiru asteko iraupena izango du.
Xede nagusia, ikasleek berrikuntza didaktiko-metodologikoen inguruko erronkaren bat identifikatu eta proposamen bat egitea da. Helburu horrekin, ondoko edukiak landuko dira:
Berrikuntza proposamena testuinguru errealean behar bezala gauzatu eta emaitzak jaso ahal izateko irakasgaia hezkuntza zentro batean garatuko da, zentroaren beharrei egokiturik, eta modu praktikoan. Zentroan igaro beharreko ordu-kopurua berrikuntza egitasmoaren baitakoa izango da baina sekula ez 30 ordutik gorakoa.
Bigarren hezkuntzako eta unibertsitateko irakaslea da Baionan. Badira 20 bat urte irakaskuntzan aritzen dela, lehenik Nafarroan eta, duela sei urtez geroztik, Lapurdin. Euskara irakaslea da Baionako Marracq kolegioan, eta irakaslea idazmen-tekniken inguruko irakasgaietan, Baionako fakultateko Euskal Ikasketen sailean. Horrez gain, neurosiaren prebentzioko aditu gisa, formatzailea da heziketa librearen arloan. Egungo heziketa ereduarekin oso kritiko den aldetik, askatasuna oinarri izanen duen beste sistema baten alde ere ibiltzen da, ikastola eta eskola ezberdinetan formazioa eta hitzaldiak eskainiz.
Deustuko Unibertsitatean Psikologian graduatu zen, eta, ondoren, Hezkuntza Orientazioko Masterra burutu zuen Euskal Herriko Unibertsitatean. Ibilbide profesional anitza izan du, baina hezkuntzaren testuinguruan ibili da buru-belarri beti. Gaur egun, bigarren hezkuntzako irakasle gisa dabil lanean.
Psikologian lizentziatua, berdintasun-teknikaria, pedagogian doktorea eta talde-prozesuen bidelaguna da.
16 urte daramatza esku-hartze psikosozialean. Batez ere, bigarren hezkuntzan ibili da sexualitateko eta indarkeria matxistaren prebentziorako programak gauzatzen. Aldi berean, formazioak eskeintzen dizkio hezkuntza-komunitate osoari. Azken urteotan pedagogia feministek egindako ekarpenak irakaskuntzan txertatzen saiatu da.
Pedagogian doktorea da, eta hainbat urteko eskarmentua du irakaskuntzan, bai Nafarroako Unibertsitate Publikoko irakasle gisa eta bai Nafarroako ikastolen elkarteko arduradun pedagogiko gisa. Gaur egun, Nafarroako ikastolen elkarteko orientatzaile mintegiko koordinatzailea da. Hezkuntzaren teoria, Hezkuntzaren historia eta Pedagogia erkatua dira haren ikerketa eremuak. Europako herrialde ezberdinetan hainbat Erasmus+ proiektutan parte hartu izan du.
Zuzenbidearen Historia irakasten du Nafarroako Unibertsitate Publikoan (NUP). Aurretik EHUn eta Ulsterreko Unibertsitatean (Irlandako Iparraldean) aritu da irakasle eta ikerlari gisa.
UEUko ekonomia saileko kidea da, eta UEUren kontabilitate- eta administrazio-arduraduna. Ikerketari dagokionez, ekononomia sozialeko erakundeen kudeaketarako informazio-sistemen azterketan aritzen da, UPV/EHUren GEZKI Gizarte Ekonomia eta Zuzenbide Kooperatiboaren Institutuko kide gisa, institutu horren babesarekin. Oro har, sozioekonomian, ekonomia sozialean, eraldaketan, herrigintzan eta udalgintzan interesa du.
Artearen Historian eta Gizarte eta Kultur Antropologian egin zituen ikasketak, EHUn. Ondoren, herri-musikaren inguruko ikerketan murgildu zen, eta horren inguruan egin ditu azken urteetan ikerketa-lanak, doktore-tesia barne. Gaur egun, Geografia eta Historiako irakasle gisa ari da lanean Derrigorrezko Bigarren Hezkuntzan, sare publikoan. Giza eta Gizarte zientzien inguruan interes handia du.
Mitxelko Uranga naiz. Filosofia eta Antropologia ikasketak burutu nituen UNEDen eta Filosofian doktorea EHUtik. Lan eskarmentuari dagokionez, sare publikoan zein itunpekoan ibili naiz irakasle, DBH eta Batxilergoan. Bi urtez, Valparaisoko (Txile) unibertsitatean ibili nintzen ikerketa-nukleo bat koordinatzen. Tarteka saiogilea ere banaiz, baita Sorzain argitaletxearen kofundatzaile eta editorea, besteak beste.
Iosu Ziordia naiz, Zamudiokoa eta historia irakaslea Batxilergoan eta DBHn.
Irakaskuntza Masterreko irakasle-taldeko kidea da, Natur Zientziak eta Matematika espezialitateko koordinatzaile eta praktiken arduradun gisa. Unibertsitatean, Lanbide Heziketan, Bigarren Hezkuntzan eta hezkuntza ez-formalean irakaskuntza-esperientzia du. Kimikan doktorea eta zientzia-dibulgatzailea ere bada. Tolosaldeko Atarian idazten du, eta EHUko Kultura Zientifikoko Katedraren Zientzia Kaiera blogean kolaboratzen du. Noizbehinka, Euskadi Irratiko Baipasa-n ere zientzia-kontuak azaltzen ditu.
UEUko Kimika sailburua naiz
Psikologian lizentziatua. Egun Lanbide Heziketan diardu irakasle eta orientazio lanak, formazio eta esku- hartze psikosozialekin uztartzen.
Biologian doktorea eta matematikaren didaktikako irakaslea BAM irakasleen unibertsitate eskolan.
