Master honen helburu nagusia da DBHko, Batxilergoko eta Lanbide Heziketako irakasle eta hizkuntzen irakasle izango direnak prestatzea, irakasle gisa beharko dituzten ezagutza eta konpetentzietan treba daitezen eta beren bizitza profesionalean izango dituzten funtzioak modu ahalik eta eraginkorrenean bete ditzaten.
Diziplinarteko aditu-titulu honek Humanitate Digitalak ditu ardatz, eta alorraren ikuspegi orokor baina zabala eskaini nahi du. Bi aztergai nagusiri erreparatuko zaie horretarako: batetik, Humanitateetako aditu eta profesionalek darabiltzaten metodo eta baliabide digitalei, eta, bestetik, digitalizazioak askotariko diziplinetan eragin dituen aldaketei.
Moodle ikaskuntza eta irakaskuntza kudeatzeko sistema librea da (bestela ere "Ikasteko Ingurune Birtuala" deitu izan da), virtual learning enviroment edo learning management system (LMS) ingelesez. Online moldeko ikastaroak sortzeko programa-multzoa da.
UEUren online irakaskuntzaren ildoak bi helburu nagusi ditu: alde batetik, goi mailako etengabeko prestakuntzaren esparruan, formazioa behar duten profesional euskaldunen beharrak asetzea, eta, bestetik, «euskal unibertsitatearen hazia ereitea», eta hazi horrekin, euskarazko ikasketa unibertsitarioak egituratu eta ikasleria zein irakasleri euskalduna bildu eta saretzea.
Sustatzaileak
